हिरवाईने नटली, एक बाग लाजवाब |
मोहक रंगीत फुलांचा, न्याराच रुबाब ||
गुलाबी गुलाब, फुलली जास्वंदी लालेलाल |
मुग्ध
अबोली स्वानंदे, झोके घेई खुशाल ||
सोनसळी सोनचाफ्याचा, आसमंती घमघमाट|
मधुमालतीच्या
कमानीचा,
खासाच थाट ||
अनंत, मोगरा, सोनटक्का आणि मदनबाण |
धवल
सुगंधी पुष्पात, चित्त रममाण ||
साजरीशी तुळशीमाय, विराजमान वृंदावनी |
वंदू
तिज प्रातःकाली,कर दोन्ही जुळवुनी||
फळ भाज्यांनीही आणली, बागेला शान |
डोलतसे अळू, हासतसे फणस रसाळ छान ||
पारणे फेडी नेत्रांचे, आंबा राजा फळांचा |
ताडमाड कल्पवृक्ष जणू , ठाव घेई गगनीचा ||
केशरी मधुर पपईने, भाव किती खावा |
रामफळ,
सीताफळ, चिकूचा गोडवा काय वर्णावा ||
हिरवेगार
रसरशीत पेरु, करतात फारच धमाल |
उषाताईंच्या मेहनतीची तर, ही सारी कमाल ||
नको
तरुवरांना नुसते हवा, अन्न नि पाणी
|
बहरून येती जेंव्हा लाभे , मायेची निगराणी ||
(माझी नणंद सौ. उषा तळेगावकर यांनी त्यांच्या बंगल्यात जोपासलेली बाग बघून
सौ.शुभदा पाठक
No comments:
Post a Comment