गणेश वंदना -स्तुती

कार्यारंभी तुज प्रथम पुजितो l तुलाच स्मरतो विध्नेश्वरा ll

वंदन करोनी मागते तुजला l बुध्दी दे मजला ज्ञानदाता ll

लावूनी चंदन चर्चीत शेंदूर l वाहू दुर्वांकूर तुजे लागी ll

सर्व व्यापी तूची, तूच लंबोदर l ज्ञानाचा सागरl तू ओंकारा ll

चौदा कलेंचा तूची अधिपती l करिते विनंती तुजेपायी ll 

राहो आम्हावरी तव कृपा दृष्टी l नको करु कष्टी कदाकाळ ll

तूची असे कर्ता l तूची करविता l शरण मी आता l भगवंता ll

वैशाली वर्तक